Encouraging-Words.png

ஆங்கிலத்தில் Contagious என்றொரு சொல்லுண்டு. தமிழிலில் இதற்கு நேரடியாகப் பொருள் தெரியாவிட்டாலும், ‘தொற்று’ என்கிறது கூகுள். ஆனால் இது தொற்று ஆகாது. தொடர்பே இல்லாமல் தொற்றக்கூடியதற்கு Contagious எனும் சொல் பயனாகிறது.

இன்னும் எளிதாக இதன் பொருள் உணர வேண்டுமாயின், ஒருவர் கொட்டாவி விடுகிறார் என்று தெரிந்ததுமே நம்மையறியாமல் நமக்கும் கொட்டாவி வரும். சமயத்தில், தொலைபேசியில் பேசிக்கொண்டு இருப்பவர் மறுமுனையில் கொட்டாவி விட்டால் நமக்கும் ககொட்டாவி தொற்றிக்கொள்ளும். இது ஏன் ஏற்படுகிறது? என்பது பற்றி பிறகொரு பதிவில் பேசுவோம்.

மேற்சொன்னது போல, நல்ல பழக்கங்களும் ஒரு Contagious என்கிறார்கள் அறிவியாலார்கள். அதிலும் நாம் நம் பிள்ளைகளைவிட அவர்களின் நண்பர்களிடத்தில் இருக்கும் நல்ல பழக்கங்களைக் கண்டு அவர்களை உற்சாகமூட்டினால், உடனே அந்த நல்ல பழக்கத்தை அவர்களுடன் பழகும் நம் பிள்ளைகள் அவர்களை அறியாமலே பின்பற்றத் தொடங்கிவிடுவார்களாம்.

இங்கே தான், “ஊரார் பிள்ளையை ஊட்டி வளர்த்தால் தம் பிள்ளை தானே வளரும்” எனும் நம்ம பழமொழி சட்டுன்னு நினைவுக்கு வந்தது.
‘ஊட்டி” எனும் பதத்தை நாம் உணவு ஊட்டல் எனும் செயலுக்கு மட்டுமே தான் ஓட்டிப் பார்க்கிறோமே…. ஏன் ‘உற்சாகம்+ஊட்டல்’, ‘ஆர்வம்+ஊட்டல்’ எனும் செயல்களோடு பார்ப்பதில்லை? எனும் வினா எழுந்தது.

சரிதானே?!!

Advertisements